Се чини дека Серџио Консеисао што и да направи со Милан до крајот на сезоната, ќе мора да си оди. Ретко кој, или поточно никој не е задоволен од неговата работа и резултатите кои ги има со него тимот од Милано. Тоа значи дека по завршување на сезоната, повторно ќе има тренерска смена, а според медиумите во Италија, веќе се знае неговиот наследник. Тоа е никој друг туку Масимилијано Алегри, тренерот кој “росонерите“ ги предводеше од 2010 до 2014 година.
Секако дека оваа вест е помалку сензационална за фановите на Милан, но се чини дека раководството на овој клуб не сака веќе да си “игра“ и има намера да донесе на клупата проверено тренерско име.
