Македонската ракометна репрезентација повторно е на сцена. Само месец и нешто по завршување на Светското првенство, Кирил Лазаров и неговите момци ја продолжуваат мисија – пласман на Европското првенство.
Противник во квалификациите за континенталното натпреварување кое следната година ќе се одржи во Данска, Шведска и Норвешка, е фаворитот во нашата група, селекцијата на Словенија.
Првата средба се игра на 12-ти март во СЦ „Борис Трајковски“ со почеток во 20 часот, додека реваншот е четири дена подоцна во Копер (18:30 часот).
Македонија претходно одигра два меча, има победа над Естонија и пораз од Литванија, и се наоѓа на второто место во групата со два бода, исто колки и Литванија.
Лазаров пред собирот направи измена, во составот се враќа Цветан Кузманоски на местото на Павле Атанасијевиќ, кој е повреден.
Собирот е закажан во 13:30 часот во хотелот „Александар Палас“.
