Репрезентацијата на Македонија до 15. години предмалку на Комплексот Петар Милошевски загуби на пријателскиот дуел од соодветната селекција на Хрватска со високи и убедливи 0:3.
Противникот доминираше во текот на целиот меч и заслужено победи, а интересно е да се напомене дека еден од стрелците за Хрватска беше Дино Беадер Трајановски.
Момчето кое што има потекло од Македонија и за кое што Спортспорт пишуваше уште пред неколку месеци дека заслужува да добие повик од наша страна. Тоа не се случи, Хрватска во меѓувреме му даде шанса, и плодот на сетоа тоа е денешната негова изведба но во противничкиот дрес.
Противникот имаше водство на полувреме од 0:2, а во самиот финишт со прекрасен гол од слободен удар ги постави конечните 0:3.
