На 10 март, скијачкиот центар Копаоник во Србија беше арена за најдобрите млади таленти во алпското скијање, кои се натпреваруваа во Националното првенство во алпско скијање за деца, во категории U-14 и U-16. Поради недоволните снежни услови во Македонија, ова возбудливо скијачко соочување беше преместено на српските падини, каде младите натпреварувачи имаа можност да ја покажат својата брзина, прецизност и техника.
Во динамичната дисциплина слалом, сите натпреварувачи покажаа извонредна подготвеност и борбен дух.
Првенството помина во одлична организација, овозможувајќи фер и безбедни услови. Овој натпревар не само што ги круниса најдобрите, туку и им даде шанса на младите надежи да стекнат ново искуство и да се подготват за идните предизвици во светот на алпското скијање.
Скијачка федерација на Македонија уште еднаш упатува благодарност до Скијачката федерација на Србија, ски-центарот Копаоник, ски-клубот „Бела река“, како и на помагателите Меѓународната скијачка федерација (FIS), Министерството за спорт и УНИ Банка.
Официјални резултати:
U-14 ЖЕНИ
Муткова Михаела
Ена Ивановска
Гала Зографска
U-14 МАЖИ
Марко Јаневски
Војдан Калеников
Ата Абдулах
U-16 МАЖИ
Филип Димовски
Никола Буклески
Дамјан Давидовски
