Шпанскиот тенисер Карлос Алкараз се пласираше во четвртфиналето на турнирот во Индијан Велс, откако во осминафиналето го совлада светскиот рекет број 15 Бугаринот Григор Димитров со 6:1, 6:1. Натпреварот траеше час и 14 минути.
Шпанскиот тенисер запиша шест асови, додека Димитров освои еден поен директно од свој сервис.
Making it look easy 🙌@carlosalcaraz | #TennisParadise pic.twitter.com/lREXVCgR8w
— BNP Paribas Open (@BNPPARIBASOPEN) March 13, 2025
Алкараз, кој ја брани титулата на турнирот во Индијан Велс, во четвртфиналето ќе игра против светскиот рекет број 26, Аргентинецот Франциско Черундоло, кој го победи Алекс де Минаур со 7:5, 6:3.
Британскиот тенисер Џек Дрејпер се пласираше во четвртфиналето откако во осминафиналето го совлада светскиот рекет број четири Американецот Тејлор Фриц во директни сетови со 7:5, 6:4. Натпреварот траеше час и 19 минути. Британскиот тенисер погоди осум асови, додека Фриц освои шест поени директно од свој сервис.
Дрејпер во четвртфиналето ќе игра против светскиот рекет број 12, Американецот Бен Шелтон.
Which one are you most excited for? #TennisParadise pic.twitter.com/WZKVpXyp0Y
— BNP Paribas Open (@BNPPARIBASOPEN) March 13, 2025
