Ете, и во мак – фудбалот можело да се игра на високо ниво. Јак Вардар, јака Шкендија, дерби за уживање, дерби за сите вкусови. Дерби кое на крајот заврши без победник, со резултат 1:1, со по еден освоен бод, ама меч кој секако дека ќе се раскажува.
Вардар и дфинитивно оваа пролет е нешто посебно. Шкендија покажа зошто е лидер и зошто има најголеми шанси за освојување на титулата.
Видовме бескомпромисна игра, битка за секоја педа на теренот на ФФМ, убави голови, многу шанси.
Видовме се што треба еден ваков меч да го прогласиме за супер меч за наши услови.
Едно големо БРАВО за Вардар и Шкендија и секако браво за тренерите Гоце Седлоски и Јетон Беќири. Ваков фудбал сакаме во Македонија.
Со овие 1:1, Вардар сега има 22 бода и е на осмата позиција на табелата, додека Шкендија има 50 бода и со +5 бода пред вториот Силекс, но и меч повеќе.
