Во големата трагедија која ја потресе Македонија денеска, згасна уште еден млад живот на наш спортист. Како што објави штипската телевизија МНет, на листата на жртви се наоѓа и 18-годишниот Дамјан Танески, млад голман кој настапувал за неколку клубови од регионот.
„Во големата трагедија која се случи ноќеска во Кочани, каде се запали дискотека, животот го загуби и 18-годишниот голман Дамјан Танески од Штип. Во оваа огромна трагедија многу млади животи згаснаа, а Танески кој беше голман за жал е еден од нив. Низ својата млада кариера која доправа требаше да се развива и да го чува голот, настапуваше за Мал Ајакс од Штип, беше во младинските категории на скопски Вардар, потоа беше дел од Брегалница и Кит Го од Пехчево“, објави телвизијата МНет.
