Ракометната федерација на Македонија одреди нови датуми за дел од одложените кола поради седумдневната жалост по големата трагедија во Кочани.
Според утврдениот план, последнoто 22 коло од регуларниот дел кај ракометарите што требаше да се одигра на 22/23 март сега е префрлен за 25/26 март. Тоа значи дека по мечевите во вторник и среда, ќе се потврдат екипите кои ќе разигруваат за титулата.
За одложените натпревари од 18 коло од Првата лига и 19 и 20 коло од женската Суперлига лига, допрва ќе се определат нови термини.
