Екипата на ГРК Охрид важи за еден од тимовите во македонскиот шампионат кој донесе и планира да носи плејада на странски засилувања. Најново од овој езерски град е еден од најдобрите грчки ракометари.
Станува збор за пикерот Николаос Лапис, кој ќе биде член на ГРК Охрид веќе од следната сезона. 25 годишниот ракометар кој е член на Олимпијакос, има играно и во АЕК, а трет тим во негова кариера е шпанскиот тим Адемар.
Најавите се дека на клупата на ГРК Охрид следната сезона ќе дојде Борис Ројевиќ на местото на Стевче Алушовски чиј договор најверојатно нема да биде продолжен.
