Најдобрата македонска тенисерка Лина Ѓорческа дојде до нова победа на ИТФ фјучрсот во словенечкиот Марибор. Ѓорческа се пласираше во четвртфиналето на овој турнир, откако славеше против француската тенисерска Џесика Понше.
Мечот траеше два часа и 37 минути, а најдобрата македонската тенисерка славеше со 2-1. Првиот сет го доби Ѓорческа со 6-4, на другата страна Французинката врати со 2-6, додека во последниот одлучувачки сет следеше вистинска битка. Ѓорческа во тај-бреј беше подобар со 11-9.
За место во полуфиналето, македонската тенисерка ќе се бори против Грузијката, Мариам Болквадзе.
