Македонската ракометна женска репрезентација ги доби противниците за пласман Европското првенство кое ќе се одржи во Полска, Романија, Чешка, Словачка и Турција.
Земјите домаќини заедно со Норвешка, Данска и Унгарија веќе имаат обезбедено место на ЕП 2026. 24 тима ќе се борат за 16-те преостанати места.
Македонија во квалификациите се најде во групата 3 заедно со Германија, Словенија и Белгија.
Првите мечеви ќе се играат од 15 до 19 октомври 2025 година, вториот период за овие квалификации е предвиден да се одигра од 4 до 8 март 2026 година и третиот од 8 до 12 април 2026 година.
Двете првопласирани екипи во секоја од шесте групи ќе се квалификуваат за ЕХФ ЕУРО 2026 година, како и четирите најдобри третопласирани екипи.
Група 1: Франција, Хрватска, Косово, Финска.
Група 2: Холандија, Швајцарија, Италија, БиХ.
Група 3: Германија, Словенија, Македонија, Белгија.
Група 4: Црна Гора, Исланд, Португалија, Ф.Острови.
Група 5: Шведска, Србија, Украина, Литванија.
Група 6: Шпанија, Австрија, Грција, Израел.
