Победничка Македонија. И во Вадуц Македонија покажа достоинство.
Секоја чест за Македонија.
Во атмосфера на која не сме навикнале, и никогаш да не се повтори, Македонија одигра и за оние 59 жртви од страшната трагедија во Кочани.
Овој денешен успех, оваа денешна победа од 3:0 на гости кај Лихтенштајн, момците на селекторот Благоја Милевски им ја посветиа на тие загубени млади животи.
Инаку ова беше шестата победа на Македонија во низа, и тоа без примен гол.
Ако е така, а така е, тогаш нашиот голман Столе Димитриевски и натаму урива рекорди. Имено сега има неверојатни 621 минути без да се тресе неговата мрежа.
Имаме желба и во вторник, против Велс, исто така да има чиста мрежа.
