Кошаркарите на ЛА Лејкерс се посрамотија на домашен терен на натпреварот против Чикаго Булс. Гостите на овој натпревар постигнаа 146 поени против Лејкерс, а на крајот победија со дури 31 поен разлика (115-146).
Домашниот тим целосно се распадна во последниот дел од натпреварот. Чикаго по првото полувреме имаше три поени предност и никој не можеше да го очекува овој резултат на крајот.
Иако неговиот тим загуби, Лука Дончиќ одигра многу добар натпревар и постигна 34 поени, додаде осум скока и три асистенции. Тоа не им помогна на Лејкерси, исто како и враќањето на Леброн Џејмс, кој постигна 17 поени, имаше шест скока и четири асистенции.
Дончиќ беше многу нервозен, а во еден момент тоа го покажа кога за малку ќе се пресметаше со противник, а поради тоа доби неспортска лична грешка.
На останатите средби, Атланта беше подобра од Голден Стејт со 124-115, Њујорк славеше против Вашингтон со 122-103, Сакраменто на домашен терен беше поразен од Милвоки со 108-114.
