Македонската фудбалска репрезентација во вторник го пречекува Велс (20:45 часот) во рамките на второто квалификациско коло за пласман на Светското првенство 2026 година. Вчера првиот човек на ФФМ, Масар Омерагиќ одлучи сите средства собрани од продажба на билетите за мечот меѓу Македонија и Велс на Арената „Тодор Проески“ ќе бидат наменети за семејствата на настраданите и повредени во големата трагедија во Кочани каде во пожар во дискотека животот го загубија 59. лица, а околу 170 се поведени.
До овој момент додека го пишуваме текстот добивме информација дека се продадени околу 18.000 билети, а капацитетот на стадионот е 34.460. Цената на каритите изнесува 300 и 400 денари, додека пак 900 денари ќе чини билетот од прва категорија, односно 15 блок на северната трибина.
Веруваме дека македонските фанови ќе ги наполнат трибините во вторник и со тоа ќе ги поддржат семејствата на настраданите и воедно уште еднаш ќе испратат порака дека обединети можеме да сториме многу повеќе, еднството и сплотеноста секогаш се најважни.
