Македонската фудбалска репрезентација во вторник на Националната Арена „Тодор Проески“ го пречекува Велс во рамките на вториот квалификациски меч за пласман на Светското првенство 2026 година. Ова ќе биде дуел меѓу две репрезентации кои стартуваа со победа во нашата група.
УЕФА ги одреди официјалните лица, сите доаѓаат од Франција. Главен судија ќе биде Жером Бризар, прв асистент е Ерван Финжеан, додека втор е Алексис Оже. Четврт официјален судија ќе биде Ромен Лисорг. Задолжени за ВАР ќе бидат: Бастиен Дешепи и Ерик Вателје.
