Авионот на велшката фудбалска репрезентација со кој ќе допатува во Скопје ќе доцни скоро половина час, па според најавите Велшаните во Скопје ќе пристигнат вечерва по 19:20 часот. Тоа значи дека од авион, избраниците на Крег Белами веднаш ќе бидат транспортирани на Националната арена, каде во време на одигрување на мечот (20:45) треба да го одржат единствениот тренинг пред утрешниот дуел со Македонија.
Претходно е закажана прес-конференцијата на Белами и најверојатно еден од фудбалерите на тимот во прес-центарот на Арената „Тодор Проески“.
Инаку, Белами утрово веќе одржал полесен тренинг со своите репрезентативци пред заминувањето за Скопје.
