Македонската фудбалска репрезентација за првпат се најде во Б сегментот од Лига на нации. По комплетирање на сите бараж дуели за опстанок или испаѓање во еден сегмент, познати се имињата на 12-те репрезентации кои ќе бидат во вториот сегмент по силина.
Македонија се најде во четвртиот шешир заедно со Шведска, Северна Ирска и Косово, ова се репрезентации кои не можат да се најдат во иста група со „црвено-жолтите“.
Шешир 1: Шкотска, Унгарија, Полска, Израел
Шешир 2: Швајцарија, БиХ, Австрија, Украина
Шешир 3: Словенија, Грузија, Ирска, Романија
Шешир 4: Шведска, Македонија, Северна Ирска, Косово
Ждрепката за новата сезона 2026/27 во Лига на нации ќе биде на почетокот на следната година.
