Фудбалската федерација на Македонија донесе одлука комплетните средства од продажбата на билетите за утрешниот натпревар со Велс да се донираат во солидарниот фонд за помош на семејствата на жртвите и повредените во големата трагедија која се случи во Кочани.
Првиот човек на македонскиот фудбал, Масар Омерагиќ, денеска купи 300 билети за утрешниот натпревар кои ќе ги подели на оние на кои им се најпотребни. Овој пример на солидарност и лична ангажираност е инспиративен и треба да послужи како поттик и за останатите да купат билети и да учествуваат во поддршката на семејствата на настраданите и повредените во несреќата во Кочани.
