Европската куќа на фудбалот, официјално отвара истрага против тимот на Реал Мадрид. Причината за тоа е прославата на дел од играчите на „Кралевите“ при Лига Шампиони дуелот против Атлетико Мадрид на гостински терен. Реал го доби тој дуел по изведувањето на пеналите, а потоа наводно, според обвинувањата Рудигер, Мбапе, Дани Себаљос и Винициус славеле директно пред навивачите на Атлетико.
Потегот ајде што е оценет како неспортски, не етички, не коректен, туку во него имало и нешто недозволиво. Истрагата ќе покаже зошто Рудигер ги ставил своите раце на вратот, правејќи гримаса на давење, наводно Килиан Мбапе се фатил меѓу нозете, а Винициус и онака е краток со фитиљот па е обвинет за директна вербална кавга со навивачите.
Секако, ова не е прв пат дуелот на овие вечни градски ривали да има „трето полувреме“ на зелена маса.
