Уште еден одличен настап, уште еден одличен меч на нашиот најдобар тенисер Калин Ивановски. Попладнево во четвртфиналето на турнирот во Опатија, Македонецот успеа со 2:0 во сетоби да слави против Здењек Колар од Чешка и со тоа да оствари пласман во полуфиналето на овој турнир.
Во првиот сет Калин беше многу подобар од својот противник и успеа да го добие со 6:3 во гемови. Во вториот сет нашиот тенисер имаше негатива од 1:3 и 2:4 во гемови, но сепак успеа да го добие и овој сет откако во тај-брејкот славеше со 7:4.
За пласман во финалето, утре во меч од 1/2 финалето во Опатија, Калин Ивановски ќе се бори против Михаил Врбенски од Чешка.
