Фудбалерите и тренерите на Манчестер Сити не треба да добиваат бонуси од учеството на Светското клупско првенство во САД ова лето. Ова го изјави менаџерот на „граѓаните“ Пеп Гвардиола на прес-конференцијата пред натпреварот со Бoрнмут во четвртфиналето на ФА Купот.
Манчестер Сити ја има најслабата сезона во последните години и со 22 бода помалку од лидерот Ливерпул во Премиер лигата останаа надвор од трката за титулата, а беа елиминирани и во минатата рунда од Лигата на шампионите.
„После ваква сезона, не заслужуваме никакви бонуси. И ако го освоиме турнирот, парите ќе одат за клубот“, изјави Гвардиола.
“Ни јас како менаџер, ниту мојот тим или играчите не го заслужуваат ова. Мора да се учи од добрите и лошите моменти. Вакви работи можат да се случат, но мора да можеш да учиш од нив”, коментираше и Шпанецот.
