Мечот од редовното коло во кошаркарскиот шампионат на Македонија вечерва помеѓу екипите на Куманово и Чаир го дочека својот крај пред празни трибини. Истите беа испразнети некаде на крајот од првата делница кога навивачите извикувале националистички пароли, па биле одстранети од официјалните лица.
Па така, во далеку помирна атмосфера, тимот на Куманово потоа стигна до победа од конечни 97:74. Првиот дел домашните го добија со 26:21, а до полувреме имаа веќе солидна предност затоа што втората делница ја добија со 31:22.
Во второто полувреме разликата само се зголемуваше за веќе на крајот домаќинот да има мирна завршница.
Најјефикасен во домашниот табор беше Тадија Тадиќ со 30 поени, а Ѓорги Георгиевски додаде свои 15. Кај гостите Мофит со 17 беше најјефикасен.
