Тимот на Тиквеш денеска извлече злато вреден бод на гостувањето кај Силекс со што во голема мера си ги зголеми шансите за осптанок сезонава. Конечните 1:1 на калливиот терен во Кратово се одлични за тимот од Кавадарци, кои лавовски се одбрани од атаците на претендентот за титулата.
Сепак, друг момент го одблежа овој навидум обичен прволигашки дуел. Голот на Александар Мишов во 32. минута, кој напаѓачот на Тиквеш го посвети на својот починат другар Андреј Лазаров.
Некогашниот играч на Кочани, Металург, Работнички, Шкупи, интернационалец во Хрватска, херојски го загуби својот живот во трагедијата во Кочани, а неговиот другар Мишов, по мечот на социјалните мрежи напиша.
„Ти ветив дека ќе дадам гол за тебе. Овој и секој нареден ќе бидат за тебе. Само јас знам како го одиграв овој меч. Ќе имаш посебно место во моето срце се додека не се сретнеме на некое поубаво место. Почивај во мир мој Андрејко, братче мое…“ – напиша напаѓачот на Тиквеш.
