Фудбалерите на Барселона го предводат шпанскиот шампионат, а се уште се во борба за трофеите во Лигата на шампионите и Купот на кралот. Некои навивачи на клубот сакаат посилен тим од оној на чело со Ханси Флик и точно знаат кои играчи ќе ги доведат. Со таа желба го запреа претседателот на клубот Жоан Лапорта.
Го прашаа дали работи на трансферите на Лионел Меси (37) и Ерлинг Халанд (24). Тој им порача: Го имаме Ламине Јамал.
Многу навивачи сè уште не го преболеле заминувањето на Меси од Барселона, иако клупската икона отсуствува од 2021 година. Од 2004 година до неговото заминување од Камп Ноу, Меси одигра 778 натпревари за Барса, постигнувајќи 672 гола и 303 асистенции.
Халанд неодамна го продолжи договорот со Манчестер Сити на девет и пол години. За клубот од „Етихад“ на 138 натпревари има постигнато 120 голови и 18 асистенции.
Јамал е убедливо најмладиот во тоа друштво, има уште 17 години. И покрај младоста, тој веќе ја освои шампионската титула на Шпанија со Барселона и европскиот шампионат со шпанската репрезентација. Тој игра како крилен напаѓач и веќе има одиграно 91 натпревар за Барса. Тој постигна 20 и асистираше за 25 гола.
