Бостон Селтикс го совладаа Мемфис Гризлис со 117:103 и за првпат во историјата на франшизата ја комплетираа серијата од шест гостувања на Западот без пораз.
Бранителот на титулата го предводеа Ал Хорфорд со 26 поени и осум скока и Џејсон Тејтум со 25 поени и 14 скока. Кристапс Порзингис додаде 19 поени, пет скока и пет асистенции, Џру Холидеј 18 поени, седум скока и седум асистенции, а Дерик Вајт 14 поени, 10 асистенции и 8 скока.
Бостон го надмина претходниот рекорд на франшизата поставен во февруари 1973 година со победи против Јута, Портланд, Сакраменто, Феникс, Сан Антонио и Мемфис.
Таа серија, исто така, му помогна на Бостон да постави нов рекорд во франшизата од 32 победи на гостувањата, претходно поставен во сезоните 1972/1973 и 1974/1975 година.
Пред нив се само Голден Стејт со 34 победи во сезоната 2015/2016 и Чикаго со 33 победи од 1995/1996 година.
