Менаџерот на Манчестер Јунајтед, Рубен Аморим не можеше да објасни како неговиот тим загуби на гостувањето кај Нотингем Форест (1-0). „Црвените ѓаволи“ беа поактивни и создадоа уште многу шанси, но никогаш не успеаја да постигнат гол. Според Португалецот, тие не само што требало да стигнат до реми, туку дури и заслужиле да го добијат натпреварот.
„Го контролиравме натпреварот, но знаевме дека противникот може да постигне гол од никаде. Нивниот гол го смени текот на натпреварот, а тие токму тоа го сакаа. Создадовме добри шанси, но во последната третина уште нешто недостасуваше – последното додавање, прецизниот удар. Без тоа, нема шанси да постигнеме голови. Но, цела сезона беше таква за нас потребни се победи и денеска заслуживме повеќе, сепак, вината е само наша, бидејќи требаше да бидеме подобри во оваа средба, не зборувам ни за реми, но на крајот ги испуштивме трите бода“, рече Аморим.
Аморим и на овој дуел видел дека неговиот тим бележи напредок.
“Знаевме дека на противникот му се допаѓаат вакви ситуации, каде води со еден гол разлика. Така што веќе моравме да постигнеме два за да го добиеме натпреварот, а лошото е што ова се случи уште на почетокот на натпреварот. Им помогнавме да ги добијат трите бода.
Дури и на овој натпревар, сепак, го видовме напредокот во нашата игра. Секој може да каже што сака, но ние мора да ги добиеме нашите натпревари. Сега веќе размислуваме за следниот натпревар. Се уште сме во Лига Европа, а сега ни претстои уште еден важен натпревар во Премиер-лигата, па ќе се фокусираме на тоа“, заклучи специјалистот.
