Габриел Магалањеш, дефанзивецот на Арсенал, би можел да биде надвор од терените до крајот на сезоната откако заработи повреда на тетивата во победата над Фулам во синоќешниот меч до Премиерлигата. Габриел беше принуден да го напушти теренот по само 16 минути, а на негово место влезе Јакуб Кивиор.
Арсенал славеше со 2-1 благодарение на головите на Микел Мерино и Букајо Сака, но загубата на Габриел е огромна пред претстојниот четвртфинален дуел на Арсенал со Реал Мадрид во Лигата на шампионите.
