Некогашните младински репрезентативци на Бугарија, Димитар Витанов и Дани Кики се барани по потерница во Германија. Поради основано сомнение дека во оваа земја, организирале киднапирање и уцена на бизнисмен за сума од еден милион евра.
Витанов е веќе уапсен во Германија, додека Кики навреме успеал да замине од таму и да се врати во Бугарија. Сега Германија бара негова екстрадиција. Според бугарските медиуми Кики се согласил да биде екстрадиран, а одлуката околу тоа треба да ја донесе судот во Пловдив. Согласувањето од некогашниот фудбалер се базира врз барањето тој да биде обвинет само за ова дело, и дека доколку биде осуден казната да ја лежи во Бугарија. Германија на ова неговот пак барање мора да одговори до 15 април.
Кики е обвинет за киднапирање, заедно со еден Бугарин и двајца Германци. Киднапирале германски државјанин, за кои имале сознанија дека поседува значителни финансиски средства. Дополнително, откако му се заканиле со оружје, го претепале и го принудиле да им префрли средства на нивните сметки. Оттаму дознале дека човекот имал сметка во Луксембург. Го пренеле таму за да го натераат да плати, но лицето успеало да го алармира банкарското обезбедување и интервенирала полицијата.
