ГРК Охрид за малку ќе останеше без целиот плен на гостувањето кај Бутел Скопје, каде славеше со 20-22 во првиот меч од плеј-офот. Избраниците на Стевче Алушовски по голема драма славеа со 20-22.
Гостите отворија моќно уште на стартот, поведоа со 2-5, па беше 6-12, додека на одморот охриѓани замина со плус пет (8-13). ГРК Охрид продолжи да држи ритам дојде на плус 8 (11-19), резултат по кој се чинеше дека лесно ќе ги освои бодовите. Но, на другата страна избраниците на Горан Кузманоски не дозволија овој дуел да биде решен, прво намалија на 17-20. Драмата дојде на минута до крајот кога Бутел Скопје со голот на Димитар Узунчев намали на 20-21. Охриѓани трнаа во напад, Алушовски повика тајм-аут, по кој Цирар реализираше од седум метри за 20-22.
Цирар со седум гола беше прв стрелец кај победникот, шест имаше Јотиќ. На другата страна Милошевски и Ѓеоргиевски имаа по 4 погодоци.
На првата средба од плеј-аутот, Пролет дома славеше против Струга со 30-23.
