Некогашниот скијачки ас, хрватот Ивица Костелиќ очигледно дека е андреналински зависник. Постојано ја предизвикува природата на најразличен начин, а таа пак му покажува преку примери дека нема играње со неа.
Откако беше спасуван пред некое време од водите во јадранското море со спасувачки екипи, сега спасувачка акција поради него е организирана во австриските Алпи. Костелиќ се нашол во средина на снежна лавина која што го блокирала и не можел да се врати, па морало да се крене и хеликоптер за да го спаси од оваа ситуација.
Со него заедно е спасен и друг човек, државјанин на Австрија, а засега не е познато дали овие двајца биле заедно или пак се нашле на исто место каде што се случила лавината со снег.
