Од денеска нов играч на Сан Диего, клуб во МЛС е Милан Илоски кој има и македонски пасош и е од македонско потекло. Напаѓачот досега беше член на Нордсјиланд од Данска, ама сега ќе игра како позајмен играч повторно во САД.
Илоски е интересен за нашите фудбалски кругови ако се знае дека селекторот Благоја Милевски во една пригода кажа дека ќе се следат неговата кариера и неговите настапи и дека е можно да добие повик за А-репрезентацијата.
Илоски е роден во Ескондидо, Калифорнија, има 25 години и досега играл за неколку клубови во САД. Во Данска беше во последните 7-8 месеци.
