Прилеп со победа ја започна битката за во плеј-аут лигата, откако на домашен терен славеше против Борец со 28-21. Победникот на оваа средба беше решен во првото полувреме во кое домаќинот имаше водство од 14-7, па до крајот рутински го приведе дуелот.
Шабановиќ имаше 6 гола кај победникот, по пет запишаа Бикоски и Квастек. Во поразениот состав Миланов имаше четири погодоци.
Претходно, Куманово пред своите навивачи славеше против Радовиш со 24-19 (10-12). Димевски со 14 гола беше незаприлив кај победникот, на другата страна Илиев запиша 5 гола.
