Одбојкарите на Штип УГД утре во Радовиш го отвораат завршниот турнир од Купот на ОФМ со првото полуфинале против скопски Работнички. Штипјани на завршниот турнир влегуваат како бранители на пехарот од минатата сезона, а оптимизмот за одбрана на трофејот е засилен по одличните настапи во првенството и лидерското место на табелата.
„Ждрепката сакаше повторно да се сретнеме со минатогодишниот противник во полуфиналето, Работнички. Тоа е екипа составена од доста искусни играчи, репрезентативци и интернационалци. Досега трипати игравме со нив, трипати ги освоивме бодовите, но оваа екипа се уште го нема кажано завршниот збор. Ги респектирам затоа што имаат квалитетни играчи. Ние напорно работевме цела сезона, создадовме екипа за високи дострели и наша единствена цел е победа и пласман во финалето. Во финалето нема тактизирање, видовме и лани дека и невозможното е возможно и се надевам дека оваа година за првпат во нашата историја ќе го одбраниме купот“, вели предводникот на штипските одбојкари, Кристиан Ристески, на денешната прес-конференција пред утрешниот дуел.
Во второто полуфинале утре ќе играат шампионот Струмица и екипата на ГОК Борец.
КУП НА ОФМ 2025
ПОЛУФИНАЛЕ МАЖИ, ЧЕТВРТОК (03.04.2025)
ШТИП УГД – РАБОТНИЧКИ 71&22 16:00ч.
СТРУМИЦА 47&72 – БОРЕЦ 19:00ч.
ПОЛУФИНАЛЕ ЖЕНИ, ПЕТОК (04.04.2025)
НАКОВСКИ ВОЛЕЈ – ФИТ ФАН ВОЛЕЈ 16:00ч.
РАБОТНИЧКИ СКОПЈЕ – ЈАНТА ВОЛЕЈ КВ 19:00ч.
ФИНАЛЕН ДЕН, САБОТА (05.04.2025)
ФИНАЛЕ ЖЕНИ 16:00ч.
ФИНАЛЕ МАЖИ 19:00ч.
