Хрватскиот фудбалски прволигаш Шибеник има сериозни финансиски проблеми. Тимот во чии редови настапува нашиот поранешен репрезентативец Леонард Жута веќе втор ден не тренира.
Како што објавија хрватските медиуми, во клубот владее хаос, затоа што фудбалерите не добиле плати од почетокот на оваа година. Според пишувањата, ф на Шибеник вчера не тренираа во знак на протест, а и утрово иако имаше закажан тренинг, играчите не се појавиле на истиот.
Според информациите, играчите изнајмиле терен со вештачка трева каде ја оддржуваат формата, но нема да тренираат во клубот додека не им се исплатат платите. Под голем знак прашалник е и нивниот настап на следниот меч од првенството против Осиек.
