Со гол во 115. минута на резервистот Ридигер, Реал (М) успеа да се провлече до големото финале на шпанскиот кралски куп. По 90 минути игра на „Сантијаго Бернабеу“, одличните гости од Реал Сосиедад славеа со 3:4 и успеаја да обезбедат продолженија, иако претходно имаа водство и од 1:3 кое најавуваше голема сензација на ова реванш гостување.
Реал сосиедад стартуваше одлично и со голот на Беренечеа во 16. минута дојде до предност од 0:1. Реал делуваше загубено, но успеа да се врати со голот на Ендрик во 30. минута за израмнување на 1:1.
Во вториот дел и покрај неколкуте ветувачки шанси за домашните, шокот следуваше со првиот од двата автогола вечерва кој ги постигна давид Алаба. Првиот во 72. минута ги врати гостите од Баскија со предност од 1:2, а само осум минути подоцна Алаба и вторпат ја затресе својата мрежа со која Реал Сосиедад дојде до 1:3, кои во тој момент го водеа во финалето.
Сепак, со голот на Белингем во 82. минута Реал испеа да намали на 2:3, а четири минути подоцна Чуамени израмни и на 3:3. Кога сите чекаа крај и пласман на „кралевите“ во финалето, Ојарзабал со својот втор гол во 93. минута донесе ново водство (3:4) за гостите и дополнителни 30 минути игра.
Одлуката во продолженијата дојде во 115. минута кога Ридигер по одлично изведениот корнер погоди за конечни 4:4 и пласман на Реал во големото финале.
