Откако денеска успеаја со 3:0 да го совладаат Работнички и да обезбедат ново финале во Купот на ОФМ, првите луѓе на екипата на Штип УГД најавија организиран превоз за сите свои заинтересирани навивачи за саботоното финале на Ф4 турнирот во Радовиш.
Штипјани се мобилизираа и во Радовиш ќе патуваат организирано на големото финале, каде за противник го очекуваат победниот од второто полуфинале вечерва меѓу Струмица и Борец. За таа цел ќе биде организиран бесплатен превоз со три автобуси.
„ОК Штип УГД организира бесплатен превоз за публика и навивачи со три автобуси за финалето на Купот во сабота. Карта за влез во сала се плаќа 100 денари. Поаѓање во сабота во 17:30 часот на постројката пред Дом на култура – Штип“, се вели во соопштението на Штип УГД.
