Ако Трент Александер – Арнолд оди во Реал Мадрид, ако Вирџил ван Дајк тешко дека ќе остане во Ливерпул, тогаш за фановите конечно една добра вест. Имено како што пренесуваат медиумите на Отровот, Мохамед Салах наводно се сложил да го продолжи договорот на уште две години, односно да потпише нов со важност до 2027. Откако во изминатиот период преговорите меѓу Ливерпул и менаџерите на Фараонот беа во застој, се наведува дека тие во изминатите неколку дена и тоа како се интензивирале и дека не само што одат во добра насока за продолжување на соработката, туку дека и самиот Салах кажал дека ги прифаќа условите за да остане на „Енфилд“.
Ако тоа се случи тогаш напаѓачот од Египет, кој важи за еден од најдобрите фудбалери во светот во изминатите години, ќе биде дел од Ливерпул цела една деценија.
