Синоќа екипите на Милан и Интер го одиграа првиот меч од полуфиналето во Купот на Италија. Мечот заврши 1:1, што значи дека реваншот ќе го даде патникот во финалето.
Мечот имаше темпо, динамика, шанси, и голови. Милан дојде во водство, истото не го задржа но тренерот Серџо Консеисао вели дека е задоволен од она што го видел на теренот синоќа.
“Мислам дека резултатот е фер. Сега ќе го чекаме реваншот и ќе се обидеме да ја искористиме нашата шанса да се пласираме во финалето во Рим, што е и наша цел. Сакам да им се заблагодарам на навивачите кои беа фантастични вечерва. Играчите знаеја што се очекува од нив. Беше изедначен натпревар против тежок противник. Моравме да дејствуваме интелигентно во одбраната, но го направивме тоа и јас сум среќен. Имавме многу шанси, Интер не не загрози премногу. Задоволен сум од нашиот пристап и однос. Кога пристигнав, имавме два меча со Јувентус и Интер за Суперкупот на Италија, а потоа влегувавме во серија натпревари на секои три дена. Во последните две недели имавме повеќе време да работиме со тимот, да вежбаме ситуации и да внесеме поголема рамнотежа и сигурност во нашата игра Во второто полувреме со Наполи, како и на денешниот натпревар, видов поцврст тим – таков каков што сакам да видам“ – рече Консеисао.
