И официјално Анте Иванковиќ е новото засилување за ГРК Охрид од сезона
2025/2026! Хрватскиот репрезентативец ќе биде “гладијатор” миниум 2 години!
Иванковиќ (24 години, 196 цм) е дел од поширокиот состав на хрватската репрезентација под кормилото на Перковац и Сигурдсон, а ги има поминато и сите младински категории на репрезентацијата на Хрватска. Анте доаѓа од Штутгарт по 2 минати сезони, а пред тоа бележеше одлични настапи во тимот на Цеље во Лигата на шампионите постигнувајќи 80 голови во 2 сезони. Пред Цеље својата кариера ја има започнато во Дубрава (Хрватска).
Ова е големо, екстра засилување во амбициозниот и се посилен ГРК Охрид.
