Вчера во салата “Јане Сандански“ во Скопје се одигра големото ракометно дерби меѓу РК Вардар и Алкалоид. Фаворитот славеше против младиот состав на Кире Лазаров, а меѓу фановите на трибините беа фудбалерите на нашиот најтрофеен клуб, Николче Шаркоски и Димитар Тодоровски. И двајцата пред мечот позираа со шал на Вардар, како да сакаа да кажат дека Вардар им е во срцето без разлика дали е ФК и РК Вардар. Со нив беше и стоперот Мислав Матиќ, кој не пропушти прилика да види како е на едно македонско ракометно дерби.
Се разбира дека по мечот сите тројца се израдуваа на победата против големиот ривал.
Инаку да споменеме дека Тодоровски во пролетниот дел е најдобриот фудбалер не само на Вардар, туку и во цела Прва лига.
