Никогаш не е мирно кога станува збор за фудбалот во Турција, посебно кога се во прашање Галасарај и Фенербахче. Кога играат овие два клуба, кога се игра дербито на Истанбул тогаш во Турција ништо друго не е важно. Тогаш се води војна во фудбалска смисла на зборот.
Синоќа имаше нов циркус меѓу овие два гиганти, Галата победи со 1:2 на гости, а тренерот на Фенер, Жозе Мурињо направи нов инцидент кога по мечот за нос го удри својот колега од спротивниот табор, Окан Бурук.
Јасно е дека Галата не го одмолче ова, па на клупските социјални мрежи излезе видео во кое се гледа како Жозе е во лудачка кошула.
Навистина интересно. Да, никогаш не е здодевно во фудбалска Турција, и кога на тоа ќе го додадеш и “Специјалниот“, тогаш страстите зовриваат.
Galatasaray delirtir. pic.twitter.com/8EzHuxgq4e
— Galatasaray SK (@GalatasaraySK) April 2, 2025
