Цената на тригодишна лиценца за настап во кошаркарската Евролига изнесува 5 милиони евра. Денеска стигна потврда на информацијата дека српските клубови Црвена Звезда и Партизан добиле понуди за тригодишни договори од Евролигата.
Според информациите, приближната цена на таквата лиценца за тим е околу 5 милиони евра или 1,7 милиони годишно. Клубот и раководството на лигата може да се согласат да ја намалат цената ако клубот е на атрактивен пазар од финансиска гледна точка, има добар ТВ договор или е важен за лигата од спортски аспект.
Добивањето понуда за тригодишна лиценца и фактот за преговори со Евролигата го потврди и претседателот на италијанскиот Виртус, Масимо Занети. Се очекува да пристигнат понуди и за Монако, Париз, Алба, Хапоел Тел Авив и Хапоел Ерусалим.
Дубаи доби понуда за петгодишен договор и најверојатно ќе се приклучи на Евролигата следната сезона.
