Денеска стигна неочекувана вест од Мадрид – Антонио Ридигер поради недолично однесување би можел да го пропушти првиот дуел од четврт-финалето на Лигата на шампионите со Арсенал.
Марка потсети дека Ридигер беше во делегатскиот записник бидејќи отиде предалеку при прославата на победата над Атлетико, откако го постигна решавачкиот гол и го однесе својот тим во четвртфиналето.
Покрај Ридигер, во записникот од истите причини завршија и Килијан Мбапе, Винисиус Жуниор и Дани Себаљос, но поминаа со предупредување дека во случај на слично однесување следниот пат ќе заработат меч суспензија.
Марка тврди дека овој случај не е затворен кога е Ридигер во прашање и дека УЕФА би можела да ја соопшти конечната одлука во петок.
Наводно Германецот и претходно правел слични, непримерни гестови, поради што му се заканува суспензија од еден натпревар.
