Попладнево од 15 часот се играат сите осум средби од 23.коло во ВМФЛ. Најинтересно се очекува да биде на стадионот во Ѓорче, каде во градската дерби – пресметка силите ќе ги одмерат Македонија ЃП и Скопје. Тоа ќе биде дуел меѓу “лавовите“ и “пиратите“.
Македонија ЃП ако сака да остане лидер, ќе мора да победи. Вториот Башкими, кој исто има 49 бода како и тимот од Ѓорче, игра дома против Новаци во меч во кој кумановци се големи фаворити.
Кикс на водечките чека Брегалница, која има -2 бода и е трета, а денеска дома го дочекува Детонит. Своја шанса бара и Арсими кој има 45 бода и е четврти, тим кој денеска го дочекува Осогово.
Да потсетиме дека првите две екипи директно обезбедуваат пласман во елитата, а третиот игра бараж против десеттиот од ПМФЛ.
ДВОЈКИ ЗА 23.КОЛО – ДЕНЕСКА (15 Ч)
Победа – Вардар (Н)
Башкими – Новаци
Охрид – Саса
Беласица – Вардарски
Арсими – Осогово
Македонија ЃП – Скопје
Борец – Кожув
Брегалница – Детонит
ТАБЕЛА
Македонија ЃП 49, Башкими 49, Брегалница 47, Арсими 45, Скопје 34, Детонит 32, Саса 32, Охрид 32, Кожув 31, Беласица 31, Победа 23, Новаци 23, Вардар (Н) 21, Осогово 17, Борец 10, Вардарски 8.
