Никола Јокиќ ги загуби нервите при гостувањето на Денвер кај Голден Стејт. Вориорс победија со 118:104 иако Нагетс имаа предност од 10 поени. Убав плус во последната четвртина се претвори во минус од 15 поени. Кари беше најефективниот играч на мечот со 36 поени и додаде уште два скока и пет асистенции, а погоди и клучни удари кога мечот „кршеше“.
Американците додаваат дека Јокиќ збеснал и затоа што дотогаш „играл сам“. Натпреварот го заврши со 33 поени (шут од поле 13/17), 12 скока и девет асистенции. На почетокот на последната четвртина имаше учинок од 31/7/6, но потоа преморен седна на клупата.
Камерата потоа го фати Србинот како луто им објаснува нешто на соиграчите од Хрватска и Словенија, Дарио Шариќ и Влатко Чанчар. Следен момент е како Јокиќ зема шише со вода, го стиска и го фрли на подот. Шариќ потоа се обиде да го смири.
Nikola Jokic PUTO da vida no banco dos Nuggets
— Coast to Coast Brasil | NBA (@brasilcoast2) April 5, 2025
Во останатите мечеви: Индијана – Јута 140-112, Шарлот – Сакраменто 102-125, Торонто – Детроит 105-117, Бостон – Феникс 123-103, Сан Антонио – Кливленд 113-114, Хјустон – Оклахома 125-111, Чикаго – Портланд 118-113 и ЛА Клиперс – Далас 114-91.
