Црвена Звезда беше поразена после продолжение од Ефес со 97:96. На голема среќа од Болоња пристигнаа добри вести – Виртус го совлада Милан и со тоа и дозволи на Звезда да биде мирна во последното коло.
„Доброто е што се вративме во мечот, добивме продолжение, имавме шут за победа, а лошото е што имавме прекини, грешки во комуникацијата, концентрацијата и треба да работиме на тоа. Тоа е нивото на кое целиме, можеш да одиграш солидна игра и да загубиш…“, рече Калиниќ кој дополни дека се среќни за пласманот во плеј-инот.
Српскиот кошаркар потенцира дека нема да недостасува мотивација за плеј-ин, но тој и неговите соиграчи ќе мора да бидат навикнати дека судиите нема да им бидат наклонети.
„Сега почнува плеј-инот, големите натпревари допрва почнуваат. Мораме да сфатиме дека ова е нивото на кое сакаме, дека тоа се врвни тимови, дека нема лесни натпревари и секоја грешка се казнува. За тоа работевме, сè допрва почнува, нема што да се мотивираме.
Мора да живееме со тоа, да разбереме дека сме Црвена звезда, и иако верувам дека сме најголемиот клуб во Србија или еден од двата најголеми, во Евролигата не сме Ефес, Реал, Барселона и Фенербахче. Мораме да прифатиме дека судиите нема да ни бидат наклонети. Мора да живееме со тоа и да се бориме“.
