Одбојкарите на Штип УГД го одбранија трофејот во Купот на Македонија. Вечерва во финалето на Ф4 турнирот во Радовиш, момците на тренерот Кристиан Ристески со максимални 3:0 го совладаа големиот ривал Струмица и ја повторија епизодата од минатата година, кога против истиот противник ја освоија првата историска куп-титула.
ШТИП УГД – СТРУМИЦА 3:0 (25:21, 26:24, 25:21)
Вечерва штипјани покажаа дека во моментов се најстабилен состав во домашниот шампионат, а тоа го потврдија и низ овие два меча во завршницат ана Купот. Струмица освен во вториот сет во кој имаше реални шанси да му даде поинаков тек на овој меч, едноставно не успеа да најде сили за да им парира до крај на ривалите.
Задмард доминираше во составот на штип УГД реализирајжи 17 поени, од кои дури 7 беа во првиот сет. Багаев заврши со 8, а Стојанов имаше 7 поени, од кои дури 5 реализираше од сервис. Струмица ќе мора брзо да заборави на овој меч и веќе да се подготвува за плеј-оф серијата во домашното првенство каде очигледно против штипјани повторно ќе се борат и за шампионската титула.
