Вардар 1961 доби уште една скопска пресметка, овој пат против Бутел Скопје. „Црвено-црните“ како гости во својот СЦ „Јане Сандански“ славеа со 26-35 во првиот меч од второто коло во плеј-офот.
Маргели имаше девет гола, додека Петриќ седум кај победникот. Кај поразениот состав Филип Николов со 12 погодоци беше најдобар стрелец на мечот.
Бутел Скопје поведе со 3-2 на стартот, но гостите вратија со две кратки серии и дојдоа на плус 4 (5-9), нешто подоцна водеа и со пет гола разлика (9-14) најавувајќи му на противникот дека нема да му остават простор за изненадување.
По 14-18 на одморот, Вардар 1961 набрзина поведе и со шест гола (15-21) и без проблем ја зголемуваше позитивата за уште една рутинска победа.
За „црвено-црните“ ова беше втора победа на стартот на плеј-офот, додека за Бутел Скопје втор пораз.
Претходно во плеј-аут лигата, Струга го победи Куманово со 26-24, додека Прилеп го победи Пролет со 23-20.
