Ракометарите на Барселона се соочија со неочекуван пораз во домашното дерби против Гранољерс, кој направи вистинско изненадување и победи со 31-30. Барселона беше на прагот на историска 15-та последователна титула во ракометот на Шпанија, но славјето го расипаа гостите пред 3.000 гледачи.
Ова е прв пораз за Барселона сезонава по 22 победи во низа во Асобал лигата, а Гранољерс ја прекина својата неверојатна серија, остварувајќи го првиот триумф над Барселона по повеќе од шест години. Пред мечот, според букмејкерите, коефициентот за победа на Гранољерс изнесуваше дури 14. За нерешено коефициентот беше 22, а за победа на Барселона 1,06.
Барселона на полувремето водеше со 18:16, на десет минути пред крајот имаше четири гола предност (29:25). Сепак, домаќините во последните десет минути постигнаа само еден гол, а гостите од Гранољерс постигнаа шест за целосен пресврт.
