Во меч од последното 22.коло во регуларниот дел од сезоната во нашата елитна кошаркарска лига, МЗТ Скопје на свој терен е поразен од Тиквеш со 75:80.
Се разбира дека овој пораз ништо не му значи на шампионот кој во плеј-офот ќе стартува од првата позиција, но затоа оваа победа многу му значи на кавадаречкиот тим кој сега има шанса да се најде во плеј – офот, но ќе треба некои резултати да му се поклопат што се вели од ова 22.коло.
Сепак исто така МЗТ Скопје не смее да си дозволи ваква игра и вакви порази, и тоа од екипи кои се борат за опстанок.
Инаку уште на почеток се виде дека овде “мириса“ на изненадување, ако се знае дека Тиквеш имаше водство од 2:9. Како што одминуваше времето, домашните никако не успеваа да дојдат до егал. На крајот имаа шанса за пресврт, но сепак ништо и победата отиде во Кавадарци.
Кога сме кај поентерите, кај победничкиот тим со 20 поени најефикасен беше Андерсон, додека кај домашниот состав Едвин забележа 19 поени.
